Xholi për Osmanin: Faleminderit për udhëheqjen tuaj me OSBE-në në këto kohë të vështira

Bashkëpunimi ndërmjet Kanadasë dhe Maqedonisë është i shkëlqyer dhe ne si ministra të punëve të jashtme jemi takuar shumë herë në takimet e NATO-s dhe OSBE-së, ku kemi pasur shumë diskutime formale dhe joformale. Këtë e theksoi ministrja e Punëve të Jashtme, Melanie Joli, e cila për herë të parë ndodhet për vizitë zyrtare në Maqedoni informon Tetovasot.
Xholi shtoi se dy vendet ndajnë vlera të përbashkëta në aspektin e sigurisë dhe nuk kurseu fjalët lavdëruese për pjesëmarrjen e Maqedonisë në dy organizatat më të mëdha të sigurisë. Ajo personalisht ka falënderuar Osmanin për lidershipin që ka treguar si kryetar i OSBE-së.
“OSBE-ja është një organizatë shumë e rëndësishme dhe ky moment në të cilin ju kryesoni OSBE-në është jashtëzakonisht i rëndësishëm, për të cilin dua t’ju falënderoj personalisht Bujar para gjithë publikut, sepse e di që jeni duke bërë një punë të vështirë. Të jesh Kryetar i OSBE-së në këtë moment është një detyrë e vështirë dhe ju falënderoj për udhëheqjen tuaj”, tha Joly.
Joly shprehu mirënjohjen për mikpritjen e autoriteteve shtetërore në Maqedoni, me të cilët po takohet sot, dhe theksoi se kjo është hera e parë në 25 vjet që një ministër i Jashtëm kanadez vjen në Maqedoni, gjë që e bën vetë vizitën një akt historik. .
Krahas aleancës në NATO dhe bashkëpunimit në kuadër të OSBE-së, në fokus të bisedës ishin edhe marrëdhëniet dypalëshe mes dy vendeve.TS