Bella Hadid ndihet krenare për veten: Kam gati dhjetë muaj pa pirë alkool

Bella Hadid po bën një pushim. Në vitin 2022, ajo mori pjesë në 35 shfaqje, luajti në 20 fushata të mëdha, u fotografua për kopertinën e American Vogue, mori titullin Modelja e Vitit në Fashion Awards dhe të gjithë po flisnin për të pas shfaqjes për koleksionin Coperni SS23, kur i bënë një fustan, me sprej.

Viti 2023 është më i qetë profesionalisht, ndërsa ndryshime po ndodhin edhe në jetën e saj personale pasi u nda me Mark Kalman.

Tani, me rastin e korrikut të thatë ajo bëri një postim në IG dhe ndau gëzimin e saj që ishte esëll për 10 muaj.

“Jam gati 10 muaj pa alkool! Jam shumë krenare për të gjithë ata që po zbulojnë veten e tyre të matur. Ose për këdo që kishte guximin të hapte mendjen për Korrikun e Thatë”, ka shkruar ndër të tjera ajo në mbishkrim.