E bujshme nga “L’Equipe”/ Inter futet në garë për Mbappe, PSG e gatshme edhe ta huazojë francezin

Një enigmë e madhe në lidhje me të ardhmen e Mbappe.

Sipas “Sky Sports UK”, PSG po mendon edhe ta huazojë Mbappe, me qëllim që për një sezon të shpëtojë nga paga e tij tepër e lartë.

Mediumi në fjalë gjithashtu raporton se oferta nga Anglia, Spanja dhe Arabia kanë ardhur për francezin, por gjithashtu edhe nga një klub italian.

Emrat e klubeve i bën të ditur mediumi francez, “L’Equipe”. Sipas gazetës në fjalë, Barcelona, Chelsea, Manchester United, Tottenham dhe Inter janë duke kërkuar informacione në lidhje me huazimin e sulmuesit të talentuar.

Më herët, Al Hilal bëri ofertën faraonike në drejtim të PSG-së për kartonin e Mbappe, por megjithatë, favoriti kryesor për të nënshkruar me 24-vjeçarin është Real Madrid.