Stoltenberg mesazh Zelenskyt: Samiti i Vilnius afron dhe do të bashkojë NATO-n me Ukrainën

Samiti i NATO-s javën e ardhshme në Vilnius do ta sjellë Ukrainën më afër anëtarësimit në aleancë, tha Sekretari i Përgjithshëm Jens Stoltenberg.

Gjatë fjalës së mbajtur në një konferencë shtypi në Bruksel, Stoltenberg tha se: “Për 500 ditë, Moska ka sjellë vdekje dhe shkatërrim në zemër të Evropës. Samiti ynë do të dërgojë një mesazh të qartë: NATO qëndron e bashkuar dhe agresioni rus nuk do të paguajë.”

Volodymyr Zelensky ka bërë thirrje që në samitin e javës së ardhshme në Lituani të ofrohet “garanci konkrete sigurie” dhe një pamje më të qartë se si dhe kur Ukraina do të anëtarësohet në NATO.

Shefi i NATO-s preku gjithashtu ofertën e Suedisë për t’u bashkuar me aleancën, pasi ai vuri në dukje se ka ende “boshllëqe” për të kapërcyer që Turqia t’i japë dritën jeshile lëvizjes.

Ankaraja e ka anuluar ofertën për pretendimet se Suedia po strehon anëtarë të atij që ajo e konsideron si një grup terrorist. Stoltenberg tha se do të takohet me liderët suedezë dhe turq të hënën, përpara fillimit të samitit të Vilniusit.