Ekipi i Shkëndijës me kategorinë 2008 sot udhëtojnë për turneun që do zhvillohet në Kroaci ku do marrin pjesë shumë ekipe elitare

Kuqezinjtë do të jenë pjesë e turneut bashkë me Dinamo Zagrebin, Crvena Zvezda, Osijekun, Zheljezniçarin dhe skuadra tjera elitare.

Moshat e Shkëndijës do të marrin pjesë në turneun ndërkombëtar memorial “Krunoslav Fush” i cili prej 9 deri më 11 qershor 2023 do të zhvillohet në Zagreb të Kroacisë.

Turneu organizohet për katregorinë U 15 (fëmijë të lindur në vitin 2008 dhe më të rinjë) dhe kuqezinjtë pasi kanë konfirmuar pjesëmarrjen kanë nisur përgatitjet për turneun në fjalë.

Bëhet fjalë për turne të fortë ndërkombëtarë në të cilin përveç Shkëndijës, deri tani pjesëmarrjen e kanë konfirmuar klube të njohura si Zheljezniçar i Bosnjë e Hercegovinës, ekipet kroate Slaven Belupo, Varazhdin, Osijek, Dinamo Zagreb, pastaj sllovenët e Olimpija Ljubljana e serbët e Crvena Zvezdës.