Al-Nassr vazhdon garën për titull, Ronaldo kontribuon me gol në fitoren ndaj Al-Taee

Al-Nassr ka regjistruar fitore ndaj Al-Taee për të mbajtur gjallë shpresat për titullin e kampionit në Ligën Profesionale Saudite.

Skuadra e drejtuar nga Dinko Jelicic fitoi në udhëtim me rezultatin 0:2.

Kjo ndeshje i takoi javës së 27-të në elitën e futbollit në Arabinë Saudite.

Cristiano Ronaldo kontribuoi me gol. Ai shënoi nga penalltia në minutën e 52-të.
Për 38-vjeçarin ishte ky goli i tij i 13-të këtë sezon.

Goli tjetër u shënua nga Anderson Talisca, në minutën e 81-të.

Al-Nassr pas kësaj fitore ka 60 pikë në pozitën e dytë në tabelë, tani me vetëm tre pikë më pak se lideri, Al-Ittihad.

Deri në fund të sezonit do të zhvillohen edhe tre xhiro.