Kandidati i opozitës Muharrem Ince tërhiqet nga gara për president të Turqisë

Kandidati i opozitës për president të Turqisë, Muharrem Ince është tërhequr nga gara për zgjedhjet e së dielës.
“Po tërhiqem nga gara. Unë po e bëj këtë për atdheun tim”, u tha Ince gazetarëve në një konferencë shtypi të enjten në Ankara.
Ai kërkoi “një votë nga çdo familje” për Partinë e tij Atdheu në votimin e njëkohshëm parlamentar.
Ince ishte një nga katër kandidatët në votim, së bashku me Recep Tayyip Erdoganin, kundërshtarin e tij kryesor Kemal Kilicdaroglu dhe Sinan Ogan.