Napoli fiton minimalisht ndaj Fiorentinas

Napoli e ka shënuar fitoren e parë pasi e siguroi titullin e kampionit në Serie A.

Napolitanët triumfuan 1:0 ndaj Fiorentinas, në kuadër të javës së 34-të elitën e futbollit italian.

Goli i vetëm i ndeshjes erdhi në minutën e 74-të, kur Osimhen shënoi nga penalltia.
Paraprakisht, sulmuesi nigerian e humbi penalltinë në minutën e 48-të të ndeshjes.

Me këtë fitore, Napoli shkon në kuotën e 83 pikëve në vendin e parë, 17 më shumë se Juventusi që mban pozitën e dytë.

Kurse, Fiorentina gjendet e teta në tabelë me 46 pikë dhe nuk ka ndonjë objektiv për të arritur këtë sezon.