Pendarovski hodhi poshtë kërkesat për falje të Janevës dhe Koçanit

Presidenti Stevo Pendarovski refuzoi kërkesat për falje të ish-kryetares së PSP-së, Katica Janeva, ish-kryetarit të Gjykatës Penale në Shkup, Vladimir Pançevski dhe biznesmenit Sead Koçan. Të tre janë në burg duke vuajtur dënime shumëvjeçare për krime të ndryshme. Janeva dhe Pançevski për herë të parë dorëzuan kërkesë për falje nga kreu i shtetit, ndërsa Sead Koçan edhe në vitin 2021 kishte tentuar ta falej, kërkesa e dytë e tij sërish pa sukses.