I zhgënjyer nga futbollisti, presidenti i Al-Nassr: Me Ronaldon më kanë mashtruar
Presidenti i Al-Nassr duket se nuk ka më durim për të pritur që Cristiano Ronaldo të rriti nivelin e skuadrës.
Ai ka investuar 500 milionë dollarë në total për transferimin e tij por deri në këto momente nuk po korr asnjë frut.
Fituesi i 5 Topave të Artë, tashmë duket një lojtar i humbur në Superligën e Arabisë Saudite. Al-Nassr humbi Superkupën, Kupën dhe me shumë mundësi edhe kampionatin.
Pas kritikave të shumta të tifozëve, kundër luzitanit ka dalë edhe presidenti i klubit Musalli al Muamar, reagimi i të cilit po bën bujë jo vetëm në Lindjen e Mesme. Në deklaratën dhënë për “ArabiaNeës50”, ai qartëson:
“Në jetën time më kanë mashtruar vetëm dy herë. Herën e parë kur kërkova 3 kebab dhe më sollën vetëm dy, ndërsa herën e dytë kur firmosa me Cristiano Ronaldon”.
Një deklaratë që ka bërë bujë të madhe por ende nuk është konfirmuar nga personi direkt i cituar. Nëse ky qëndrim është i vërtetë, atëherë Cristiano Ronaldo mund të jetë realisht në telashe.