Del fotoja e vajzës që u arrestua sot në Rinas, mbushi shkollat dhe “club”-et në Tiranë me kokainë

Vajza në foto është Arlinda Rama e cila ishte e shpallur në kërkim si pjesë e një grupi kriminal që shpërndante dhe shiste lëndë narkotike në afërsi të shkollave dhe lokaleve të natës në Tiranë.

E reja është arrestuar në Rinas, sapo u fut në territorin shqiptar.

Ajo ishte shpallur në kërkim në kuadër të megaoperacionit të koduar “Harta”, që goditi 2 grupe që shpërndanin lëndë narkotike kanabis, heroinë dhe kokainë, në lokale nate dhe në afërsi të shkollave, në zona të ndryshme të Tiranës.