Fitore me shije titulli për Barcelonën
Barcelona e ka siguruar pothuajse titullin e kampionit në La Liga.
Katër vite pritje dhe me gjasë, katalonasit do ta shijojnë titullin këtë edicion.
Barcelona triumfoi me përmbysje në “El Clasico” ndaj Real Madridit 2:1.
Dueli i zhvilluar në “Camp Nou” dhuroi tre gola, dy në pjesën e parë dhe një në të dytin
Ishte Araujo që shënoi autogol në minutën e nëntë të ndeshjes, për t’i dhënë epërsinë “Los Blancos”.
Por, Sergi Roberto barazoi shifrat në minutën e 45-të të ndeshjes.
Krejt në përfundim në minutat shtesë, Kessie realizoi për t’i dhënë fitoren dhe me shumë gjasa edhe titullin Barcelonës.
Kjo fitore i dërgon katalonasit në kuotën e 68 pikëve në vendin e parë, tani 12 më shumë se Real Madridi.