Manchester City në Etihad për të vazhduar aventurën në Evropë, Leipzig shpreson te mrekullia

Pas barazimit 1-1 në ndeshjen e parë në “Red Bull Arena”, Mancehster City do të përballet sot në orën 21:00 ndaj Leipzig për biletën e çerekfinales.

Skuadra e Marco Rose arriti t’i mbajë “qytetarët” e Pep Guardiolës në Gjermani, por skuadra vendase me siguri do të hyjë në përballje si favorit të fortë. Goli i Riyad Mahrez i dha skuadrës së Guardiolës një epërsi në ndeshjen e parë në minutën e 27-të, derisa një pjesë e dytë e përmirësuar për skuadrën vendase pa Gvardiolin të barazojë shifrat.

Pas një fitoreje të vështirë në “Selhurst Park”, falë penalltisë së Haaland, Manchester City po synon të vazhdojë formën pozitive dhe të sigurojë një vend në çerekfinalet e Champions League. Skuadra angleze nuk ka humbur në shtëpi në Champions League në 23 ndeshjet e fundit, duke fituar 21 ndeshje dhe barazuar 2. City është gjithashtu në mes të një serie prej gjashtë ndeshjes të fitoreve në shtëpi që kur barazoi me Everton. Për sa i përket dëmtimeve, Guardiola ka në dispozicion një skuadër plotësisht në formë. De Bruyne dhe Mahrez pushuan të dy në fitoren ndaj Crystal Palace dhe pritet të rikthehen në formacionin titullar.

Formacioni i mundshëm i Manchester City: Ederson, Walker, Akanji, Dias, Ake, De Bruyne, Rodri, Gundogan, Mahrez, Haaland, Grealish.

Trajneri i fundit që drejtoi një klub gjerman drejt fitores në Etihad ishte në fakt trajneri aktual i Citizens, Pep Guardiola, gjatë drejtimit të tij te Bayern Munich, i cili parapriu periudhën e tij të mbushur me trofe në Manchester. Marco Rose do të shpresojë ta përsërisë atë sukses nga sezoni 2013/2014.

Në ndeshjen e fundit të Bundesligës, Leipzig arriti një fitore 3-0 kundër Borussia Monchengladbach, përgatitja ideale për një betejë të plotfuqishme kundër një ekipi që përfshin talente të klasit botëror në të gjithë fushëm. Herën e fundit që këto dy skuadra u takuan në Etihad, City fitoi me rezultatin e thellë 6-3.

Trajneri i klubit gjerman, Rose, në fakt është përballur me Manchester Cityn në çdo ndeshje me eliminim direkt.

Formacioni i mundshëm i Leipzig: BlasWich, Henrichs, Orban, Gvardiol, Halstenberg, Laimer, Haidara, Szoboszlai, Forsberg, Werner, Silva.