Dortmundi fiton ndaj Leipzigut dhe merr primatin në Bundesligë
Borussia Dortmund është liderja e re e Bundesligës.
Verdhezinjtë triumfuan në shtëpi ndaj Leipzigut me rezultat 2:1, në kuadër të javës së 23-të në elitën e futbollit gjerman.
Marco Reus kaloi vendasit në epërsi në minutën e 21-të të ndeshjes, duke shënuar nga penalltia.
Epërsia u dyfishua nga Emre Can që realizoi në minutën e 39-të.
Leipzig arriti të ngushtonte epërsinë në minutën e 74-të përmes Emil Forsberg.
Me këtë fitore, Borussia Dortmund është lidere në renditjen tabelare me 49 pikë, tri më shumë se Bayern Munich që ka një ndeshje më pak të luajtur.