KQZ ndryshon Formularët, Galdini deklaron se do tia nisë nga e para me mbledhjen e firmave për kandidimin për Kryetar Bashkie i Tiranës!
Pasi deklaratës në Konferencën për Media të bërë në Selinë e LRE ku denoncoi ndryshimin e Formularëve të mbledhjes së firmave mbështetëse nga qytetarët, Kryetari i LRE dhe Kandidati aspirant për Kryetar Bashkie i Tiranës z. Arian Galdini, vijon me deklaratat e tij të forta në rrjetet sociale.
Edhe pse vendimi i KQZ për ndryshimin e Formularëve e kthen punën e deritanishme me mbledhjen e firmave të LRE, në pikën zero, Arian Galdini deklaron se nuk do të tërhiqet e as dorëzohet por do të përpiqet deri në firmën e fundit, deri në sekondin e fundit të afatit ligjor për Regjistrimin si kandidat për Kryetar Bashkie i Tiranës.
“.. mosrealizimi falet, mospërpjekja nuk falet…” – shkruan Arian Galdini në faqen e tij në facebook.
Ja edhe postimet e plota të Arian Galdinit në Faqen e tij në facebook:
Formulari i vjetër:
Të dashur miq,
Ky është Formulari i vjetër i mbledhjes së firmave mbështetëse nga qytetarët…
Ne si LRE prej javësh kishim nisur fushatën e mbledhjes së firmave me këtë formular të vjetër pothuajse në të gjitha Bashkitë kryesore në vend….
Vetëm në Tiranë ne deri pardje kemi pasur në Selinë e LRE të depozituara mbi 1500 firma mbështetëse nga qytetarët e Tiranës për kandidimin e Arian Galdini për Kryebashkiak i Kryeqytetit…
Por një vendim arbitrar, i ligë, i fshehtë dhe hileqar i KQZ, ka ndryshuar formularët e mbledhjes së firmave, duke i nxjerrë krejt të pavlefshëm të gjithë formularët e vjetër e për rrjedhojë duke i nxjerrë të pavlefshme edhe të gjitha firmat që ne kemi arritur të mbledhim deri sot…
Ky ndryshim Formulari në mes të “lojës” nga KQZ, është një poshtërsi e ulët e Rregjimit 3 Palësh PS – PD – PL, për të penguar, ndaluar, sabotuar, e mundësisht eleminuar nga mundësia e hyrjes në garë të cilësdo partie apo kandidati që po mblidhte firma mbështetëse nga qytetarët.
Nuk ndryshohen “kartat dhe rregullat e lojës” në mes të “lojës”…
Rregjimi 3 Palësh PS – PD – PL, synon me çdo kusht të eleminojë apo dëmtojë maksimalisht çdo kandidat e parti guximtare që synon përballjen e konkurimin në zgjedhje nëpërmjet firmave mbështetëse të qytetarëve…
Ne si LRE dhe unë si Arian Galdini, jemi të vetmit që po mbledhim firma prej javësh…
E na lind e drejta të mendojmë e dyshojmë se vendimi i KQZ, për ndryshimin e Formularëve për mbledhjen e firmave mbështetëse të qytetarëve, është një akt i poshtër politik i Rregjimit 3 Palësh PS – PD – PL, për të penguar, sabotuar ose eleminuar LRE nga konkurimi në zgjedhjet e 14 majit dhe veçanërisht për të ndaluar kandidimin e Arian Galdinit për Kryetar Bashkie i Tiranës…
Turp për KQZ dhe turp edhe për Rregjimin 3 Palësh PS – PD – PL…
Ne kishim në Tiranë mbi 1500 deri sot, e sot na duhet ta rinisim nga pika zero..
Për më keq akoma, kemi vetëm 2 javë kohë për të mbledhur 3500 firma me Formularin e ri…
A do tia dalim?
Nuk e di…
A do të tërhiqemi e dorëzohemi?
Kurrësesi…
Edhe pse KQZ dhe Rregjimi 3 Palësh PS – PD – PL, duan të na ndalojnë e pengojnë që ne të hyjmë në garë, ne nuk do të tërhiqemi…
Prej sot, rinisim punën nga pika zero, me Formularët e rinj, që në 2 javë ti mbledhim 3500 firmat e nevojshme në Tiranë…
E gjithë familja LRE kudo në çdo Bashki, këto 2 javë do përqëndrohemi të gjithë së bashku vetëm në Tiranë…
LRE përveçse në Malësi të Madhe dhe Pogradec, nuk do hyjë në zgjedhje në asnjë Bashki tjetër në 14 maj…
U kërkoj ndjesë të gjithë njerëzve tanë që kanë qenë deri sot duke punuar në terren për mbledhjen e firmave në të gjitha Bashkitë kryesore..
Por na duhet të tërhiqemi nga të gjitha Bashkitë e tjera përveç Malësisë së Madhe dhe Pogradecit dhe të përqëndrohemi të gjithë në Tiranë…
Kam nevojë për të gjithë ju këto dy javë në Tiranë tia dalim mbanë e ti mbledhim 3500 firma…
Kam nevojë për të gjithë LRE e njerëzit e LRE në Tiranë…
O do tia dalim, o do tia dalim…
Unë them tia dalim.🙏✌️
Faleminderit e bekime
🇦🇱🇦🇱🇦🇱🇦🇱✌️
Formulari i ri:
Ndërsa ky është Formulari i ri që ka miratuar rishtazi, beftas dhe krejt fshehurazi KQZ, në mes të “lojës”…
Në vend që KQZ të lehtësojë e ndihmojë punën e partive dhe kandidatëve që duan të konkurojnë në zgjedhje, KQZ, ndryshon kartat dhe rregullat e lojës, në mes të lojës…
Nëse prej 17 shtatorit 2022, LRE ka njoftuar publikisht dhe zyrtarisht se do të niste fushatën sensibilizuese për mbledhjen e firmave mbështetëse nga qytetarët e Tiranës me Formularët e vjetër që ishin në fuqi, e nëse Formularët janë thjesht një dokument ku vetëm regjistrohen të dhënat e qytetarëve që firmosin për të mbështetur një kandidat apo parti politike, pse duhej KQZ ta bënte ndryshimin e Formularëve tani?
Pse duhej KQZ ta konsideronte të nevojshëm a prioritar ndryshimin e Formularëve të mbledhjes së firmave mbështetëse të qytetarëve pikëtisht tani që jemi në mes të lojës, pikërisht tani kur kanë mbetur edhe pak ditë nga mbyllja e afatit të Regjistrimit të Partive dhe Kandidatëve????
E nëse ka parti dhe kandidatë që e kanë nisur proçesin e mbledhjes së firmave të qytetarëve me Formularët e vjetër që ishin në fuqi, atëherë përse KQZ nuk ka miratuar një dispozitë tranzitore që meqë ndryshimi i Formularit është bërë në mes të lojës, duhen njohur e pranuar edhe Formularët e vjetër edhe Formularët e rinj për zgjedhjet e 14 majit…????
Mos harroni se edhe kur u miratua euro, në vendet e BE ka pasur një periudhë tranzitore për njohjen e parave vendase derisa hyri në fuqi plotësisht euro…
Edhe kur shtypen monedhat e reja, ka gjithmonë një periudhë tranzitore të njohjes se monedhave të vjetra dhe të reja…
Dhe mbi të gjitha, mesa ka deklarime e dijeni publike, sot për sot të vetmet Parti Politike që po mbledhin firma mbështetëse nga qytetarët janë LRE – Lëvizja e Re dhe Nisma Thurje..
Dhe i vetmi Kandidat për Kryetar Bashkie në Tiranë, e madje në të gjithë Shqipërinë që po mbledh firma mbështetëse nga qytetarët, është Arian Galdini…
Atëherë a nuk na lind e drejta të dyshojmë e mendojmë se vendimi i KQZ për ndryshimin e Formularëve të firmave mbështetëse është bërë për të sabotuar e ndaluar garimin në zgjedhje të partive që po mbledhin firmat mbështetëse dhe të kandidatit për Kryetar Bashkie të Tiranës Arian Galdini?????
E po të mendosh se ne deri dje kemi pasur të arritura, realizuara dhe depozituara në Selinë e LRE mbi 1500 firma qytetarësh të mbledhura me Formularët e vjetër…
Ndryshimi i Formularit, na rikthen në Tiranë në pikën zero…
Ia nisim sot me Formularin e ri me zero firma, në pikën zero dhe kemi vetëm 2 javë kohë…
Na duhet të bëjmë një përpjekje epike dhe historike si komunitet.
2 javë kohë për 3500 firma me Formularët e rinj…
A do tia dalim dot???
Mund edhe mos tia dalim…
Por mosrealizimi falet, mospërpjekja nuk falet…
Une mendoj se duhe të përpiqemi me mish e me shpirt të gjithë bashkë.
Kemi 2 alternativa, ose do tia dalim, ose do tia dalim.
Unë them se do tia dalim.
Bekime e përqafime,
🇦🇱🇦🇱🇦🇱🇦🇱✌️
