Bayerni e regjistron barazimin e tretë radhazi në Bundesligë
Bayern Munich e ka regjistruar edhe barazimin e tretë radhazi në Bundesligë.
Bavarezët nuk arritën më shumë se 1:1 në duelin ndaj Eintracht Frankfurtit në kuadër të javës së 18-të në elitën e futbollit gjerman.
Leroy Sane kaloi vendasit në epërsi në minutën e 34-të të ndeshjes pas asistimit të Thomas Muller.
Rezultati u barazua në minutën e 69-të kur Kolo Muani shënoi pas asistimit të Kamadas.
Me këtë barazim tani Bayern Munich shkon në kuotën e 37 pikëve, vetëm një më shumë se Union Berlini që gjendet në pozitën e dytë.
Në anën tjetër, Eintracht Frankfurti mbetet i pesti në renditjen tabelare me 32 pikë të grumbulluara.