Kroacia fiton dhe e eliminon Kanadanë nga Botërori
Kroacia ka arritur të shënojë fitore me rezultat 4:1 ndaj Kanadasë në xhiron e dytë të fazës së grupeve në Kampionatin Botëror.
Ishte një fitore jo fort e lehtë për kroatët, që e panë veten në disavantazh qysh në minutën e dytë të ndeshjes.
Ishte Alphonso Davies i cili realizoi në minutën e dytë një gol të bukur me kokë, shkruan Gazeta Express.
Ishte minuta e 36-të kur Kramaric barazoi shifrat për Kroacinë.
Nuk vonoi shumë, dhe tetë minuta më pas, Livaja përmbysi gjithçka dhe kaloi kroatët në epësi.
Në pjesën e dytë, Kramaric shënoi në minutën e 70-të golin e tretë për Kroacinë dhe golin e dytë personal sonte.
Krejt në fund në minutat shtesë, Lovro Majer shënoi për 4:1.
Me këtë fitore, Kroacia merr primatin në grupin F me katër pikë, aq sa ka edhe Maroko në vendin e dytë.
Në të tretin gjendet Belgjika me tri pikë dhe Kanada e fundit pa pikë dhe pa gjasa për kualifikim tutje