Pas fitores ndaj Katarit, Ekuadori hyn në histori të Kupës së Botës

Ekuadori e nisi me fitore në Kupën e Botës të këtij viti.

Ekuadorianët shënuan fitore ndaj nikoqirit, Katarit, në ndeshje hapëse të turneut.

Ndeshja e zhvilluar këtë të diel në stadiumin “Al Bayt” përfundoi me rezultatin 0:2.
Me këtë fitore, Ekuadori hyri edhe në histori të Kupës së Botës.

Ekuadori është bërë ekipi i parë që në historinë 92-vjeçare të Kupës së Botës e mposht nikoqirin e turneut, në ndeshjen e parë ose hapëse.