Manchester United fiton në momentet e fundit kundër Fulham
Manchester United ka fituar në momentet e fundit në Craven Cottage kundër Fulham me rezultat 1-2. Të parët që kaluan në epërsi ishin United me golin e Eriksen (14’). Fulham barazoi me James (62’), por Garnacho (63’) shënoi në minutat e fundit për United që merr tri pikë dhe tani ka vetëm tre pikë më pak se Tottenham Hotspur. Spurs kanë një ndeshje më shumë të zhvilluar
Manchester United ka fituar në momentet e fundit në Londër sonte duke e mposhtur Fulham me rezultat 1-2.
Rasti i parë në këtë ndeshje u shënua në minutën e 5-të ku Carlos Vinicious i Fulham ishte afër të shënonte por goditi jashtë portës.
United do të organizonte një aksion të mirë e ku Bruno Fernandes bëri një pasim të mirë në zonë ku gjeti të lirë danezin Christian Eriksen që shënoi gol në minutën e 14-të të ndeshjes.
Martial ishte afër që ta dyfishonte epërsinë për United në minutën e 30-të të ndeshjes por goditjen e tij e priti portieri i Fulham, Leno.
United patën edhe dy raste të mira në fund të pjesës së parë, një me Luke Shaw (41’) që bëri një krosim për Martial por që ai e gjuajti topin mbi portë dhe një tjetër me Christian Eriksen (45+1’) që mori një pasim të mirë në zonë por nuk goditi mbi portë.
Edhe në fillim të pjesës së dytë United ishin më të mirë ku patën dy raste në minutën e 49 ku Elanga dhe Rashford tentuan të shënojnë por që Leno bëri pritje fantastike sidomos goditjen që e bëri Rashford.
Fulham pati edhe disa raste të tjera të mira por De Gea priti edhe goditjet e Carlos Vinicious (52’) e edhe të Ream (54’).
Goli i barazimit erdhi pas një aksioni të mirë që e organizuan vendasit.
Willian bëri një pasim të mirë për Cairny. Ky i fundit pasoi në zonë ku gjeti të lirë Daniel James i cili shënoi gol në minutën e 62-të të ndeshjes.
United ishin më të mirë në pjesën e mbetur të ndeshjes dhe në fund atyre ua dha tri pikë i riu, 18 vjeçari Alejandro Carnacho që shënoi gol në minutën e fundit të shtesës së ndeshjes për rezultat 1-2.
United me këtë fitore ka 26 pikë, tri më pak së Tottenham që është në vendin e katër, por Djajtë e Kuq kanë një ndeshje më pak të zhvilluar.
Fulham mbetet në vendin e 9-të me 19 pikë.
United i kthehet ndeshjeve të Premier Ligës më 27 dhjetor ku do të luan kundër Nottingham Forest në Old Trafford, ndërkaq Fulham do ta luan derbin e Londrës me Crystal Palace.