Zhvillimet në Kosovë, BE-ja bën thirrje për rruajtjen e qetësisë

Bashkimi Evropian ka përsëritur thirrjet për ruajtjen e qetësisë në Kosovë, si dhe që të shmanget përshkallëzimi i tensioneve të krijuara. Peter Stano, zëdhënës i BE-së tha se tensionet mes Kosovës dhe Serbisë mund të kenë ndikim negativ në tërë rajonin. Ai, duke iu përgjigjur pyetjeve rreth fatit të propozimit franko-gjerman për marrëveshje, dhe zhvillimeve të fundit në veri, ka thënë se “prioritet është ulja e tensioneve”. Stano ka përsëritur thirrjen ndaj Kosovës që të bëjë hapa të menjëhershëm drejt krijimit të Asociacionit të komunave me shumicë serbe.