Përplasen me thika gjimnazistët në Durrës, një i lënduar

Një sherr mes gjimnazistëve ka përfunduar në përdorimin e armëve të ftohta në Durrës. Mësohet se incidenti ka ndodhur në qendër të qytetit bregdetar ku një adoleshent ka mbetur i lënduar me thikë në shpatull.

Rrethanat e ngjarjes nuk dihen ende. I lënduari është dërguar në spital ku po merr kujdes shëndetësor. Sipas bluzave të bardha ai ndodhet jashtë rrezikut për jetën.