Atletico Madrid fiton ndaj Bilbaos dhe i afrohet kreut
Atletico Madrid ka shënuar fitore me rezultat minimal 0:1 në udhëtim ndaj Athletic Bilbaos në kuadër të javës së nëntë në La Liga.
Baskët e panë vetën në disavantazh qysh në minutën e 10-të kur shënoi Morata, por VAR-i e anuloi më pas për shkak që kishte ekzistuar një ndërhyrje e palejuar në proces.
Në vazhdim të pjesës së parë gola nuk pati dhe dy skuadrat shkuan në pushimin mes pjesëve me rezultatin e barabartë.
Në minutën e 47-të, Antoine Griezmann realizoi pas asistimit nga Morata, që në fund doli të ishte edhe goli i fitores
Vendasit tentuan deri në fund të shënonin të paktën golin e barazimit, por ai nuk erdhi.
Me këtë fitore, tani Atletico Madrid ngjitet në vendin e tretë në tabelë me 19 pikë, tri më pak se Barcelona dhe Real Madridi, që nesër e zhvillojnë “El Clasicon”.
Në anën tjetër, Athletic Bilbao është i katërti në renditjen tabelare me 17 pikë të grumbulluara.