Kryeministrja finlandeze merr përgjigjen e testit të drogës
Kryeministrja e Finlandës, Snna Marin ka rezultuar negative në testin e drogës së kryer pas publikimit të disa videove ku ajo shfaqet duke festuar me miqtë e saj.
Kjo është bërë e ditur ditën e sotme nga zyra e shtypit e kryeministres finlandeze.
Kujtojmë që kryeministrja Marin iu nënshtrua testit të drogës javën e kaluar pas kritikave të shumta që mori pas publikimit të disa videove ku ajo shfaqej duke kërcyer e festuar në mënyrë të shfrenuar me miqtë e saj.
Në një prej videove të publikuara, Marin së bashku me miqtë e saj dëgjohen duke bërtitur “miell” që nënkupton kokainën.
Nisur nga kjo video, deputetët e opozitës i kërkuan asaj që të kryejë testin e drogës, por në një konferencë për mediat të premten e javës së kaluar, Marin u shpreh se gjatë festës nuk kishin konsumuar asgjë të paligjshme.
Ajo pranoi që kishte pirë vetëm alkool.