Liqeni i famshëm Garda po thahet në Itali, bie në nivele
Liqeni Garda, më i thelli në Itali, po thahet, duke habitur shumë persona.
Niveli i ujit të këtij liqeni është në një nivel të ulët rekord, ndërsa mund mund të shihen shkëmbinj nënujorë.
Temperatura e ujit në liqen është pothuajse e barabartë me temperaturën e ujit në Karaibe.
Turistët thanë se ishin të tronditur nga ajo që gjetën, duke ditur se në çfarë gjendje ishte liqeni më parë.
Niveli i ulët rekord i ujit të këtij liqeni është edhe pasojë e lejimit të devijimit të ujit të tij në lumenjtë e afërt të rëndësishëm për fermerët.
Ky vendim është marrë për shkak të sasive të vogla të shiut. Gjithashtu, janë reduktuar fondet për mbrojtjen e liqenit, i cili është një atraksion turistik.
Veriu i Italisë është i prekur nga thatësira, e cila është pasojë e ndryshimeve klimatike. Lumi Po, i cili është lumi më i gjatë në këtë vend, është tharë në disa pjesë të shtratit të tij.
Kjo ndikoi në jetën e përditshme të banorëve të zonës, përfshirë edhe fermerët. Fermerët kanë humbje prej disa miliardë eurosh.
Italia nuk është i vetmi vend evropian i prekur nga thatësira, e cila konsiderohet më e keqja në 500 vjetët e fundit. Thatësira ka prekur edhe Portugalinë, Spanjën, Francën, Gjermaninë, Holandën dhe Britaninë e Madhe. Ekziston mundësia që thatësira të përhapet në 47% të Evropës.