Dumfries dhe Sanchez pranë largimit nga Interi, Manchester United dhe Marseille “pazar” te zikaltërit

Manchester United është i interesuar për anësorin holandez të Interit, Denzel Dumfries.

Ten Hag po përpiqet të krijojë një ekip me bazë holandeze, dhe duket se Dumfries i plotësëon nevojat e krahut të djathtë. Interi kërkonë 40 milionë euro për shërbimet e tij.

Shitja e Dumfries do të ndihmonte shumë gjendjen ekonomike të ekipit të Milanos.

Nga ana tjetër, duket se për Sanchez ka interes nga Franca. Marseille e Tudor ka shfaqur interes për kilianin dhe ai po e mendon si një mundësi kalimin atje. Sulmuesi kilian është jashtë planeve të Inzaghit, por që Sanchez të largohet, zikaltërit fillimisht duhet të zgjidhin çështjen e pagesës së largimit.