Bllokohet kënga e re e Azet, reperi akuzohet për vjedhje nga producenti kosovar
Para pak javësh u konfirmua rikthimi i dyshes “Azet & Zuna”, përmes këngës së publikuar “KMN”. Këngë e cila zgjoi polemika në rrjete sociale, pasi producenti Bini Nebihu kishte hedhur akuza për vjedhje të këngës.
Bini kishte publikuar një sekuence të këngës në profilin e tij në rrjetin social “Instagram”, ku shkroi se reperi Zuna kishte qënë në studion e tij për të biseduar rreth disa projekteve dhe se e ka dëgjuar “demo’n” e këngës dhe pastaj e ka realizuar në një vend tjetër.
Ndërsa, gjatë ditës së sotme ka qenë Bini i cili ka njoftuar se këngë e publikuar para pak javësh është bllokuar në platformën “Youtube” për shkak të autorësisë nga ana e tij.