“Një granatë në oborrin e shtëpisë”, Donaldi rrëfen vështirësitë që kaloi gjatë fëmijërisë

Donald Veshaj vijon të jetë në qendër të vëmendjes edhe pas daljes nga shtëpia e BBV. Së fundmi, në programin e tij “Më lër të flas”, teksa ka qenë duke biseduar me Arbër Hajdarin, Donaldi ka ndarë një detaj nga fëmijëria e tij.

Ai ka treguar një episod të vështirë nga fëmijëria e tij dhe e Romeos në Vlorë.

“I njëjti problem ka qenë edhe për ne në Vlorë. Sidomos periudhën e 97-98-ës. Bile ne kemi edhe një histori, kur unë dhe Romeo kemi qenë duke fjetur dhe bie një granatë dore në oborrin e shtëpisë. Ne trembemi aq shumë sa kalojmë në temperaturë të lartë dhe që pas asaj kohe, pas trembjes ne detyrohemi të vëmë syze. Temperatura e lartë kaloi në sy si i thonë dhe shumë periudhë e sikletshme”,tha Donaldi.

Nga ana tjetër, Arbër Hajdari rrëfeu se mamaja e tij e vishte atë si vajzë deri në moshën 2-vjeçare.
“Deri në moshën 2-vjeçare mami më vishte si vajzë për shkak se isha pas vëllait edhe prisnin vajzë dhe kishte blerë vetëm gjëra për vajza. Gjatë asaj kohe kam qenë edhe pak pa qejf, kalova një fëmijëri të vështirë. Pata një infeksion i cili më mori disa vite edhe duke më rrezikuar jetën dhe prindërit e mi më treguan se doktori iu ka thënë se e kam jetë të dytë. Ka zgjatur për 5 vjet si problem.”- rrëfeu ai.