Ulet numri i të infektuarve dhe viktimave nga COVID-19 në Shqipëri

Në 24 orët e fundit në Shqipëri kemi një ulje të numrit të të infektuarve dhe viktimave. Sot janë regjistruar 217 qytetarë të infektuar (dje ishin 435) dhe 9 humbje jete, një më pak se ditën e diel.

Janë 6274 pacientë aktivë me COVID19 në të gjithë vendin. Aktualisht në spitalet COVID po marrin trajtim 153 pacientë, nga të cilët 24 janë në gjendje më të rënduar. Janë shëruar 202 qytetarë gjatë 24 orëve të fundit, duke e çuar numrin e të shëruarve në 169,085 që nga fillimi i epidemisë.