Ndalohen për 48 orë personat që shitën ose blenë vota në Malishevë

Dy persona janë arrestuar në Malishevë, sepse dyshohet se kanë bërë blerje ose shitje të votës, gjë që ndalohet me ligj. Ndalimin e tyre për 48 orë e ka konfirmuar Drejtori i Policisë për Rajonin e Gjakovës, Lumi Graishta.

Për rastin e njëjtë përmes një komunikate për media ka njoftuar edhe prokuroria e shteti duke konfirmuar gjithë ngjarjen. Kjo ka ndodhur në qendrën më të madhe të votimit në Malishevë, në shkollën e mesme “Hambi Berisha”.

Klan Kosova nga burime të veta merr vesh se këta dy persona janë të afërm, familjarë, njëri nga ta ka qenë në cilësinë e vëzhguesit dhe tjetri të komisionerit.