Sulm me raketa në objektet ruse/ Ukraina pretendon goditje në Saratov dhe Volgograd
Forcat mbrojtëse ukrainase kanë goditur gjatë natës një kompleks magazinimi të Ozon në qytetin rus të Saratovit dhe uzinën kimike Volgogradpromproekt në Volgograd, sipas prodhuesit ukrainas të armëve Fire Point.
Sipas Fire Point, kompleksi i magazinimit të Ozonit në Saratov, me një sipërfaqe prej 85 mijë metrash katrorë, u godit nga dronë FP-1. Kompania pretendon se objekti ishte projektuar për të ruajtur më shumë se 30 milionë artikuj.
Fire Point njoftoi gjithashtu se raketat kruz FP-5 “Flamingo” goditën uzinën Volgogradpromproekt në Volgograd. Sipas kompanisë ukrainase, goditjet shkaktuan një zjarr në objekt.
Ozon është një nga platformat më të mëdha të shitjeve online në Rusi dhe disponon një rrjet të gjerë deposh, qendrash përpunimi dhe infrastrukture shpërndarjeje në vend.
Ngjarja vjen në kuadër të sulmeve të vazhdueshme ajrore mes Ukrainës dhe Rusisë, ndërsa pretendimet për goditjet e raportuara nga pala ukrainase nuk janë verifikuar në mënyrë të pavarur.
