Ndahet nga jeta Princesha Astrid e Norvegjisë, motra e Mbretit Harald

Princesha Astrid e Norvegjisë, motra e të ndjerit Mbret Harald, është ndarë nga jeta në moshën 94-vjeçare, ka njoftuar Pallati Mbretëror.

Astrid u shfaq për herë të fundit në publik të mërkurën, gjatë ceremonisë mortore të vëllait të saj, Mbretit Harald, i cili ndërroi jetë muajin e kaluar në moshën 89-vjeçare, pas më shumë se 35 vitesh në fron.

“Gjatë gjithë jetës së saj të gjatë, Princesha Astrid e përfaqësoi familjen mbretërore me ngrohtësi dhe përkushtim”, thuhet në deklaratën e Pallatit Mbretëror.

Detajet për ceremoninë mortore të Princeshës Astrid ende nuk janë bërë të ditura.

Varrimi i Mbretit Harald u zhvillua të mërkurën në Katedralen e Oslos, në një ceremoni ku morën pjesë familja mbretërore norvegjeze dhe përfaqësues të familjeve mbretërore nga vende të ndryshme të botës. Ceremonia shënoi gjithashtu përfundimin e 13 ditëve të zisë kombëtare.