Juventusi shkruan historinë, asnjë lojtar italian në formacionin startues – pa përfshirë portierin

Kriza e dëmtimeve çon Juventusin të shkruajë historinë ndaj Sassuolos, pasi për herë të parë në histori në Serie A, ata nuk kanë asnjë lojtar italian në repartin ofensiv që nga fillimi i ndeshjes.

“Bianconerët” hyjnë në këtë ndeshje pa shumë prej lojtarëve titullarë, mes tyre edhe kapitenin Manuel Locatelli, i cili do të mungojë për katër deri në gjashtë muaj pas operacionit në menisk.

Andrea Cambiaso gjithashtu nuk është as në stol për shkak të problemeve fizike, ndërsa Jeremie Boga, Weston McKennie, Kenan Yildiz, Khephren Thuram, Jeff Ekhator dhe Juan Cabal janë në infermieri.

Guglielmo Vicario është në portë dhe është përfaqësuesi i vetëm italian, por “Opta” thekson se kjo është hera e parë në historinë e gjatë të Juventusit në elitën e futbollit italian që “Bianconerët” nuk kanë asnjë lojtar italian në repartin e lojës në formacionin startues.

Formacioni përfshin përfaqësues nga Franca, Brazili, Kolumbia, Turqia, Holanda, Portugalia, Argjentina dhe Bosnja e Hercegovina, por asnjë lojtar të rritur në Itali.

Vicario; Kalulu, Bremer, Lucumi, Celik; Douglas Luiz, Koopmeiners; Conceicao, Nico Gonzalez, Alajbegovic; Kolo Muani.