Unitedi merr vendimin përfundimtar rreth të ardhmes së Marcus Rashfordit

E ardhmja e Marcus Rashfordit ka qenë një nga temat më të përfolura këtë verë, pasi Barcelona refuzoi ta bënte të përhershëm transferimin e tij në formë huazimi.

Rashford është lidhur me disa klube në të gjithë Evropën, përfshirë ekipe nga Italia, Gjermania, Turqia dhe Arabia Saudite, si dhe me dy klube të Premierligës.

Ndërsa reprezentuesi i Anglisë dhe stafi i tij po përballeshin me mundësinë e largimit përfundimtar nga klubi, ai ka vijuar të punojë nën drejtimin e Michael Carrick gjatë përgatitjeve parasezonale.

28-vjeçari ka kaluar 18 muajt e fundit larg “Old Traffordit” në formë huazimi, fillimisht te Aston Villa dhe më pas gjatë gjithë sezonit të kaluar te Barcelona.

Për sulmuesin anglez, sezoni në kryeqytetin katalanas rezultoi i suksesshëm, pasi ai fitoi titullin e parë të kampionit në karrierën e tij, duke ndihmuar ekipin e Hansi Flick për të triumfuar në La Liga.

Megjithatë, duket se e ardhmja e Rashford është konfirmuar, pasi atij i është caktuar numri që do të mbajë në shpinën e fanellës gjatë sezonit të ardhshëm.

Sipas Fabrizio Romanos, Manchester United i ka dhënë reprezentuesit anglez fanellën me numrin 14, si një “mesazh besimi ndaj tij”, pasi ai pritet të jetë pjesë e planeve të Carrick.

Megjithatë, ende ekziston mundësia që ai të largohet nga klubi, siç ka theksuar edhe Romano, por kjo do të ndodhte vetëm nëse një klub i madh evropian paraqet një ofertë konkrete.

28-vjeçari do të ishte një aset i rëndësishëm për Carrick, veçanërisht për shkak të opsioneve të kufizuara që trajneri aktualisht ka në repartin ofensiv.

Rashfordi mund të luajë në krahun e majtë ose në qendër të sulmit, kur është e nevojshme, dhe për këtë arsye mund të konkurrojë me Benjamin Sesko, Matheus Cunha dhe Joshua Zirkzee për një vend në repartin ofensiv.

Ndërkohë, opsionet e “Djajve të Kuq” në krahë përfshijnë Amad Diallon, Bryan Mbeumon dhe tashmë edhe Rashfordin, ndërsa si alternativë e re dhe e re në moshë është Shea Lacey.

Fakti që Carrick mund të llogarisë në një sulmues që sezonin e kaluar shënoi 14 gola dhe dhuroi 14 asistime, pa pasur nevojë të shpenzojë asnjë qindarkë për ta transferuar një lojtar të këtij niveli, është padyshim një avantazh i madh.