Sheval Baftiu nga FR-BDI: Mjaft me montime e padrejtësi, lironi Artan Grubin!

Sheval Baftiu nga Forumi Rinor i BDI-së ka reaguar lidhur me rastin e Artan Grubit, duke kërkuar drejtësi dhe duke kundërshtuar atë që e cilëson si “montime” dhe padrejtësi politike.

“Mjaft më me montime, mjaft me padrejtësi, mjaft me heshtje!”, ka shkruar Baftiu.

Ai e përshkruan Grubin si “një djalë, një trim, një shqiptar që luftoi për dinjitetin dhe të mirën e shqiptarëve”, duke theksuar se kërkesa e tyre është drejtësia.

Baftiu ka kërkuar që Grubi të mos gjykohet mbi bazën e, siç shprehet ai, “skenarëve politikë” dhe që emri i tij të mos njolloset pa u dëshmuar e vërteta.

“E vërteta duhet të dalë në dritë!”, shkruan Baftiu, ndërsa reagimin e tij e përmbyll me thirrjen: “Lironi Artan Grubin!”