26-vjeçarja denoncon ish-të dashurin: thotë se e sulmoi dhe e kërcënoi

Gostivar – Një 26-vjeçare nga Gostivari ka denoncuar në polici se është sulmuar fizikisht dhe kërcënuar nga ish-i dashuri i saj.

Rasti është raportuar më 13 gusht rreth orës 02:35 në Stacionin Policor Gallatë.

Sipas denoncimit, incidenti ka ndodhur rreth mesnatës, përkatësisht rreth orës 00:07, në një fshat të Gostivarit.

26-vjeçarja ka deklaruar se është sulmuar fizikisht dhe kërcënuar nga ish-i dashuri i saj, U.Z., nga i njëjti fshat.

Policia njofton se po merren masa për zbardhjen e plotë të rastit dhe për dokumentimin e të gjitha rrethanave.