Për 4 vite dhunoi gruan shqiptare dhe dy fëmijët e saj, gjykata dënon me burg 80-vjeçarin italian

Një 80-vjeçar nga Presicce-Acquarica, në provincën e Leçes, është dënuar me 3 vite e 3 muaj burg për keqtrajtim në familje dhe plagosje, pasi u shpall fajtor për dhunë të vazhdueshme ndaj bashkëshortes së tij shqiptare dhe dy fëmijëve të saj, transmeton Pa Censurë.

Vendimi u dha nga Seksioni i Parë Penal i Gjykatës, e cila vendosi gjithashtu ndalimin e të dënuarit nga ushtrimi i funksioneve publike për 5 vite. Gjykata caktoi edhe një dëmshpërblim paraprak prej 25 mijë eurosh për gruan dhe djalin e saj të mitur, si dhe 10 mijë euro për vajzën madhore. Prokuroria kishte kërkuar një dënim më të lartë, prej 6 vitesh burg.