Arrestohet në Serbi, Osman Selmani dhe i shqiptohet 30 ditë paraburgim

Familja e Osman Selmanit ka bërë të ditur se ai është arrestuar më 1 korrik 2026 nga autoritetet serbe në pikën kufitare Mutivodë, derisa po kthehej nga vendlindja e tij.

Sipas njoftimit të familjes, Selmani aktualisht ndodhet në Prokurorinë për Krime Lufte në Beograd, ku po përballet me akuza që familjarët i cilësojnë si të pabazuara dhe të pavërteta.

“Ne besojmë në pafajësinë e tij dhe do të qëndrojmë pranë tij deri në zbardhjen e plotë të së vërtetës. Kemi besim se drejtësia do të mbizotërojë dhe e vërteta do të dalë në pah”, thuhet në reagimin e familjes.

Familjarët kanë falënderuar të gjithë ata që u kanë ofruar mbështetje, lutje dhe fjalë inkurajuese gjatë kësaj periudhe, duke e cilësuar situatën si të vështirë për ta.

Deri më tani, autoritetet serbe nuk kanë dhënë një njoftim zyrtar lidhur me rastin dhe akuzat ndaj Selmanit.