Një tjetër trajner jep dorëheqje pas dështimit në Botëror

Trajneri i Koresë së Jugut, Hong Myung-bo ka dhënë dorëheqje pasi kjo kombëtare është eliminuar nga Kupa e Botës.

Pas eliminimit, Hong Myung-bo mori përgjegjësinë e plotë për dështimin e ekipit dhe konfirmoi largimin e tij.

“Po jap dorëheqjen si trajner i ekipit kombëtar të meshkujve të Koresë së Jugut. Dua t’u kërkoj falje të gjithë tifozëve që e duan futbollin korean dhe mbështesin ekipin kombëtar. Ne nuk arritëm të arrijmë rezultatet që ata prisnin dhe përgjegjësia bie tërësisht mbi mua”, ka thënë ai.

Ky është fundi i mandatit të tij të dytë në krye të Koresë së Jugut, pas një periudhe të mëparshme në vitet 2013–2014.

Skuadra aziatike e mbylli Grupin A me vetëm tre pikë, duke regjistruar një fitore 2-1 ndaj Republikës Çeke dhe dy humbje kundër Meksikës dhe Afrikës së Jugut.

Rezultatet e tilla nuk mjaftuan për kualifikim as si një nga ekipet e vendeve të treta, duke i dhënë fund rrugëtimit të tyre në turne që në fazën e grupeve.