Shkëndija vazhdon të prodhojë yje, Omer Ramadani mes më të mirëve të sezonit

Shkendija vazhdon të prodhojë talente të jashtëzakonshme dhe një nga emrat që ka shpërthyer këtë sezon është padyshim Omer Ramadani shkruan Tetovasot.

Sulmuesi i gjeneratës kampione U16, që drejtohet nga Ismail Ismaili, ka zhvilluar një sezon spektakolar duke u renditur i treti në listën e golashënuesve me plot 25 gola, ndërsa ka ende edhe një ndeshje për t’u zhvilluar këtë fundjavë.

Omeri është një sulmues kreativ, i shpejtë dhe me instinkt të lindur për golin. Pozicioni i tij natyral është sulmues krahu i majtë, por ai përshtatet në mënyrë perfekte edhe në role të tjera ofensivë, duke qenë një armë e fortë për repartin sulmues të Shkëndijës.

Me paraqitjet e këtij sezoni, ai ka dëshmuar se është një nga talentet më premtuese të akademisë kuqezi dhe një emër për të cilin pritet të dëgjohet shumë në të ardhmen.TS