Reali po e konsideron ndryshimin e sistemit të zgjedhjes së kapitenit, pas ndodhive në zhveshtore

Ka qenë përgjithësisht një sezon i vështirë për Real Madridin, por shtatë ditët e fundit kanë qenë veçanërisht të trazuara për klubin.

Antonio Rüdiger u përplas me Álvaro Carrerasin në fillim të javës, ndërsa të enjten Aurélien Tchouaméni dhe Federico Valverde gjithashtu u përfshinë në një konflikt fizik, i cili rezultoi me shtrimin në spital të këtij të fundit.

Këto incidente ishin pika e vlimit për një dhomë zhveshjeje që është bërë gjithnjë e më e përçarë gjatë muajve të fundit.

Një nga figurat në qendër të situatës është kapiteni i klubit, Dani Carvajali, i cili është lënë në stol nga trajneri Álvaro Arbeloa në javët e fundit, ndërsa janë shtuar dyshimet mbi mbrojtësin veteran.

Veçanërisht, aftësitë e tij si lider janë vënë në pikëpyetje.

Pamundësia për të ndalur konfliktet e përmendura, së bashku me rënien e performancave të Real Madridit në ndeshjet më të mëdha, ka bërë që disa pjesëtarë të dhomës së zhveshjes të kërkojnë një sistem të ri për zgjedhjen e kapitenëve, sipas “Diario AS”.

Për shumë vite, Real Madridi i ka zgjedhur kapitenët bazuar në vjetërsinë në klub – pra, kush ka qenë më gjatë pjesë e skuadrës.

Carvajali mori rolin nga Luka Modrići verën e kaluar dhe, sipas sistemit aktual, ai pritet të pasohet nga Valverde kur të largohet, gjë që mund të ndodhë në fund të këtij sezoni.

Megjithatë, shumë persona brenda dhomës së zhveshjes dëshirojnë që grupi i kapitenëve të zgjidhet në mënyrë demokratike, ngjashëm me mënyrën se si rivalët e “El Clasicos”, Barcelona, përcaktojnë kapitenët e tyre.

Barcelona përdor një sistem hibrid që merr parasysh edhe vjetërsinë, prandaj Ronald Araújo është aktualisht kapiteni i tyre.

Është e qartë se nevojiten ndryshime të mëdha brenda Real Madridit dhe ky mund të jetë një prej tyre.

Vendimi për një ndryshim të mundshëm të sistemit të kapitenisë do të jetë në duart e Florentino Pérezit dhe bordit të klubit, ndërsa mbetet të shihet nëse ata do të vendosin se një qasje e re është e nevojshme