Nuk gjendet mjeshtër për rregullimin e pllakave te Porta Maqedonia, i ndërruan tri herë dhe sërish janë të thyera

Ka tre vjet që nuk po gjendet një zgjidhje e përhershme për pllakat te Porta Maqedonia, të cilat pasi u vendosën para gjashtë viteve, u ndërruan edhe dy herë të tjera, por sërish janë të lëvizura, të liruara dhe të thyer.

​Që në vitin 2023 u alarmua për parregullsitë që mbizotërojnë te Porta, ku secili hynte me automjet drejt sheshit si të donte – nga korrierët e dërgesave e deri te mysafirët e restoranteve, si dhe njerëzit që jetojnë në ndërtesat e kësaj zone, ku qasja e vetme është përmes Portës.

​Menjëherë pas kësaj, Qyteti i Shkupit bëri përpjekje për të rregulluar kaosin ekzistues, duke vendosur vazo të mëdha lulesh menjëherë pas Portës, të lidhura me zinxhir, të cilat punonjësit e Qytetit i hapnin për të lejuar kalimin e automjeteve të banorëve të ndërtesës që ndodhet afër sheshit. Që atëherë, aty është vendosur edhe një shtëpizë ku qëndrojnë punonjësit kujdestarë, të cilët nuk lejojnë të “shkasë” askush që nuk ka leje kalimi.
​Madje edhe rojet u mburrën se kjo nuk është e gjitha.

​”Kjo është vetëm fillimi. Ende nuk ka përfunduar gjithçka. Do të ketë edhe shtylla hidraulike dhe pllakat do të riparohen, gjithçka do të rregullohet. Edhe korrierët nuk do të mund të hyjnë më si të duan gjatë gjithë ditës nëse nuk kanë leje. Ja, u vendosën edhe shtylla mbrojtëse anash që të mos hyjnë dot më automjetet as drejt hyrjes anësore të Qendrës Tregtare të Qytetit (GTC)” – shpjegoi një nga personat që rregullojnë hyrjen dhe daljen e automjeteve nëpër Portë. Sloboden Peçat