Ambasadori Meidani bën thirrje shqiptarëve: Bashkë, sot më të fortë se kurrë!
Ambasadori i Shqipërisë, Denion Meidani, ka dhënë një mesazh domethënës në kuadër të Samitit të Diasporës, duke theksuar rëndësinë e unitetit të shqiptarëve kudo që ndodhen.
“Shqiptaria bëhet bashkë. Samiti i Diasporës është një rikthim te rrënjët, një lidhje që vetëm forcohet, një vizion që ndërtohet bashkë, pavarësisht kufijve. Sepse kudo që jemi, mbetemi një”, ka shkruar Meidani.
Ai e ka shoqëruar këtë mesazh edhe me thirrjen bashkë dhe më të fortë se kurrë, duke nënvizuar rolin e diasporës në forcimin e lidhjeve kombëtare dhe ndërtimin e një të ardhmeje të përbashkët.
