Zbulohet gjendja shëndetësore e Cllevios pas operacionit

Reperi i njohur Cllevio ka kaluar me sukses një ndërhyrje mjekësore, duke qetësuar fansat që prej ditësh ishin në pritje të një përditësimi për gjendjen e tij.

Lajmi është konfirmuar përmes një postimi në rrjetet sociale, ku bëhet e ditur se operacioni ka përfunduar pa komplikime dhe artisti tashmë ndodhet në fazën e rikuperimit nën kujdesin e mjekëve.

Në fotografinë e publikuar, ai shihet në ambientet e spitalit, ndërsa mesazhi shoqërues falënderon të gjithë për mbështetjen dhe urimet e shumta gjatë kësaj periudhe.

Edhe pse nuk janë bërë të ditura detaje mbi problemin shëndetësor, burime pranë tij lënë të kuptohet se gjendja është stabilizuar dhe faza më e vështirë tashmë ka kaluar.

Pritet që pas rikuperimit, reperi t’i rikthehet aktivitetit të tij, ndërsa fansat mbeten në pritje të projekteve të reja nga ai.