Wang Yi zhvillon një bisedë telefonike me Ministrin e Jashtëm të Izraelit Gideon Sa’ar

Më 3 mars 2026, Wang Yi, anëtar i Byrosë Politike të Komitetit Qendror të PKK-së dhe Ministër i Jashtëm i Kinës, zhvilloi një bisedë telefonike me Ministrin e Jashtëm të Izraelit Saar, me kërkesë të këtij të fundit.

Pasi dëgjoi informimin e ministrit Gideon Sa’ar për qëndrimin e Izraelit mbi situatën aktuale, Wang Yi deklaroi se Kina vazhdimisht mbështet zgjidhjen e problemeve ndërkombëtare dhe rajonale përmes dialogut dhe konsultimit.

Të gjitha palët duhet t’i përmbahen qëllimeve dhe parimeve të Kartës së OKB-së dhe të përmbahen nga përdorimi ose kërcënimi për përdorim të forcës në marrëdhëniet ndërkombëtare, gjë që është gjithashtu në interesat themelore të të gjitha palëve, përfshirë Izraelin.

Ai tha gjithashtu se për shumë vite, Kina është angazhuar për të promovuar një zgjidhje politike për çështjen bërthamore iraniane. Negociatat e fundit midis Iranit dhe ShBA-së kanë bërë përparim të konsiderueshëm, duke përfshirë adresimin e shqetësimeve të sigurisë së Izraelit. Fatkeqësisht, ky proces është ndërprerë nga konflikti i armatosur.

Kina kundërshton çdo sulm ushtarak të nisur nga Izraeli dhe ShBA-të kundër Iranit. Forca nuk mund t’i zgjidhë vërtet problemet; përkundrazi, ajo do të sjellë probleme të reja dhe pasoja serioze afatgjata. Vlera e vërtetë e forcës ushtarake nuk qëndron në fushën e betejës, por në parandalimin e luftës.

Kina bën thirrje për ndërprerje të menjëhershme të operacioneve ushtarake për të parandaluar përshkallëzimin e mëtejshëm dhe humbjen e kontrollit të konfliktit.

Kina ka mbajtur gjithmonë një qëndrim të drejtë dhe të paanshëm për çështjen e Lindjes së Mesme dhe do të vazhdojë të luajë një rol konstruktiv në promovimin e de-përshkallëzimit.

Wang Yi kërkoi që Izraeli të marrë masa konkrete për të garantuar sigurinë e personave dhe institucioneve kineze. Sarr deklaroi se Izraeli i kushton shumë rëndësi dhe do ta mbrojë sigurinë e personelit dhe institucioneve kineze.