Vuçiç: Shqipëria, Kroacia dhe Kosova po përgatiten për sulm ndaj Serbisë

Presidenti i Serbisë, Aleksandar Vuçiç, gjatë një emisioni live në Radio Television of Serbia (RTS), komentoi atë që e quajti aleancë ushtarake mes Kroacisë, Shqipërise dhe Kosovës.

Ai tha se beson se këto vende po përgatiten për një sulm të mundshëm ndaj Serbisë në të ardhmen, raportojnë mediat serbe.

“Ne po përgatitemi për sulmin e tyre. Ata presin momentin kur në të ardhmen mund të shpërthejë një konflikt më i madh mes evropianëve dhe rusëve, si dhe një përshkallëzim edhe më i madh në Lindjen e Mesme. Gjithçka që bëjmë është për të mbrojtur vendin tonë.

Nuk mund të sulmojmë vendet e NATO-s, ndërsa Shqipëria dhe Kroacia janë pjesë e saj, por këto janë qëllimet e tyre. Ata presin momentin e favorshëm kur në botë të ketë kaos të përgjithshëm,” deklaroi Vuçiç.

Ai shtoi se qytetarët e Serbisë nuk duhet të shqetësohen.
“Qytetarët e Serbisë mund të flenë të qetë. Serbia është mjaft e fortë për të ruajtur integritetin territorial, sovranitetin, lirinë dhe sigurinë e qytetarëve të saj. Ata nuk do të na sulmojnë sepse e dinë se çfarë përgjigjeje do të merrnin,” tha presidenti serb.

Vuçiç foli edhe për armatimin që posedon ushtria serbe, duke zbuluar se Serbia ka raketa ajër-tokë me fuqi të madhe shkatërruese.
“Spo flasim për raketa të zakonshme. Ato mund të peshojnë deri në 950 kilogramë dhe kanë rreze veprimi deri në 400 kilometra. Ne kemi një numër të konsiderueshëm të tyre dhe do të kemi edhe më shumë. Këto raketa janë përdorur edhe në konfliktin mes Pakistan dhe India,” tha Vuçiç.
Ai shtoi se bëhet fjalë për teknologji kineze që, sipas tij, është treguar shumë efektive në atë konflikt.

“Është një mjet kinez që u tregua jashtëzakonisht efektiv. Me të u shkatërruan radarë francezë dhe sistemi i mbrojtjes ajrore S-400 air defense system. Ne kemi shumë gjëra që publiku ende nuk i ka parë dhe do të vazhdojmë të furnizohemi me armatim,” deklaroi ai.

Vuçiç komentoi edhe deklaratën e kryeministrit kroat Andrej Plenković, i cili tha se Kroacia do ta informojë NATO për armatosjen e Serbisë, veçanërisht për raketat balistike supersonike.
“Unë jam president i një vendi relativisht të vogël. Nuk jam si Trump apo Putin që vendosin për gjithçka në botë. Për mua nuk ka çështje të vogla. Dua që trashëgimia ime të jetë paqe dhe jo luftëra. Papritur, në mes të askundit, para nesh shfaqet një aleancë ushtarake mes Shqipërisë, Kroacisë dhe të ashtuquajturës Kosovës. Detyra ime është të ruaj stabilitetin në vend,” përfundoi Vuçiç.