Rexhepi: Nuk është problem UNESCO, por që Korridori 8 t’i jepet një kompanie tjetër!?

Qeveria po pregaditë teren për prishjen e kontratës për ndërtimin e Korridorit 8 me Bechtel–Enka, duke rrezikuar pagesë dëmshpërblimi dhe më pas dhënien e projektit një kompanie tjetër të huaj. Për këtë arsye është propozuar që punimet të pezullohen deri në vitin 2027.

Ndërkohë, në terren punimet janë reduktuar mbi 50%, çka shton dyshimet se po krijohet qëllimisht situatë për ndërprerjen e kontratës ekzistuese.

Ky skenar nënkupton vonesa disa vjeçare dhe rihapje të procesit, vetëm që i njëjti aks t’i jepet një kompanie tjetër të huaj.