Mickoski: Institucionet në Maqedoni reaguan më mirë në Koçan sesa ato zvicerane në Krans Montana

Kryeministri Hristijan Mickoski deklaroi se institucionet në Maqedoni reaguan në mënyrë efektive pas zjarrit tragjik në diskotekën Pulse në Koçani, duke vlerësuar se sa i përket reagimit sistemik, shteti veproi më mirë sesa në një ngjarje të ngjashme që ndodhi në Crans Montana në Zvicër.

“Fatkeqësisht, nuk ka asnjë mënyrë për t’i rikthyer ata që nuk janë më me ne. Por nga pikëpamja e reagimit sistemik, kur e krahasojmë atë ngjarje me atë në diskotekën Crans Montana, sistemi dhe institucionet maqedonase reaguan më mirë sesa sistemi dhe institucionet në Zvicër”, tha Mickoski.

Duke iu përgjigjur pyetjevesë gazetareske, Mickoski tha se nuk donte të bënte krahasime midis tragjedive, por prapë u drejtua reagimit të institucioneve.

“Kur bën një krahasim të ngjarjeve të këqija, vepron në mënyrë nekrofile dhe unë nuk dua të veproj në atë mënyrë, por do t’i jap një përgjigje të plotë pyetjes suaj”, deklaroi kryeministri.

Ai theksoi se, sipas analizave të kryera nga Qeveria, reagimi sistemik në Maqedoni ishte në një nivel më të lartë krahasuar me rastin në Zvicër.

“Nëse krahasojmë atë që bëmë ne si Qeveri me atë që ndodhi në Crans Montana në Zvicër, mund të them se krahasohet disa herë më mirë – në të gjitha parametrat dhe në të gjitha krahasimet”, tha Mickoski.

Kryeministri shtoi se, pavarësisht reagimit institucional, tragjedia nuk mund të riparohet, sepse jetët e humbura nuk mund të kthehen.