Këta janë pesë serbët e arrestuar për krime lufte në Syriganë të Skenderajt

Janë zbuluar emrat e pesë serbëve të arrestuar sot gjatë aksionit të Prokurorisë Speciale e Kosovës.

Gazetarja e Klan Kosovës, Amantina Hasani, raporton se personat e prangosur janë: Sinisha Tomaseviq, Ratko Krakoviq, Nebojsha Tomaseviq, Goran Tomaseviq dhe Predrag Tomaseviq.

Gjithashtu, sipas informacioneve të gazetares, Sinisha Tomaseviq është vëllai i Tadish Tomaseviq, i cili është shef i stacionit policor në Syriganë.

Të arrestuarit dyshohen për krime gjatë luftës së fundit, për vrasjen e gjashtë civilëve shqiptarë në fshatin Syriganë të Skenderajt, në periudhën maj-qershor 1998.

Gazetarja Hasani deklaron se nga gjashtë viktimat, njëri prej tyre rezulton ende i zhdukur.