Forcat izraelite thonë se kanë interceptuar 92% të raketave balistike të Iranit

Forcat izraelite thonë se kanë interceptuar shumicën e mbi 400 raketave balistike që Irani ka lëshuar drejt Izraelit që nga fillimi i luftës SHBA-Izrael, raporton CNN.

“Ne kemi pasur norma të shkëlqyera interceptimi — rreth 92% e raketave janë interceptuar me sukses”, tha zëdhënësi i ushtrisë izraelite, kolonel lejtënant Nadav Shoshani, gjatë një konference për shtyp sot.

Komentet e tij vijnë pasi raketat iraniane goditën qytetet Arad dhe Dimona në jug të Izraelit të shtunën në mbrëmje, duke lënduar mbi 85 persona.

Goditja në Arad lëndoi të paktën 84 persona, ndërsa disa persona u plagosën gjithashtu në sulmin ndaj Dimonës.