Vedat Muriqi e shkruan historinë — 50 gola në La Liga me Mallorcan

Vedat Muriqi e ka arritur një tjetër moment vendimtar dhe historik në karrierën e tij.

Ylli kosovar arriti mbrëmë në kuotën e 50 golave të shënuar në La Liga me fanellën e Mallorcas, duke u bërë njëri prej golashënuesve më të rëndësishëm në historinë e klubit, shkruan “Gazeta Express”.

31-vjeçari realizoi me kokë në humbjen 1:2 nga Real Betisi, një gol i pamjaftueshëm për ekipin, por i veçantë për të pasi e arriti numrin jubilar në njërën prej ligave më të forta të futbollit evropian.

Që kur iu bashkua Mallorcas në vitin 2022, Muriqi është bërë figura kryesore e sulmit për ishullorët.